Kisah si Raja Tambun sesudah sampai di Sibisa

SI Raja Tambun dohot Parianakkononna.
Nungnga pinatorang parmulak ni si raja tambun tu huta ni tulang na toga Manurung di Sibisa.
Tung mansai ngali do panjalo ni Inang na si boru meleng-eleng I di ibana,ala mabiar pa andarhon anak na I,sotung didok halak :
Ba,adong anak ni siboru meleng-eleng ,atik pe so hea muli,gabe haurahon tu hula-hula na.


Atik pe akka hatoban I nama dongan ni si Raja tambun marmahani pinahan ni si Raja Mangarerak,jala mansai hansit parniahapanna martimbangkon di jolo ni amana Silahisabungan,tung so adong do di pikkiranna mulak tu Samosir,ala naung sanga posa pamaksaaan di Silahisabungan naeng tu huta ni tulang na,asa pajumpa dohot inana pangintubu.
Hape tung so adong do di ida nanggo saotik holong ni roha ni inangna pangintubu i di ibana.
Ba patut do hape dang lomo rohani damang patuduhon inong kon tu ahu,ninna rohana dibagasan.
I do hape Alana umbahen Dainang boru ni Raja Nabolon patarus-tarus ahu.
Jadi sai tangis tarlungun-lungun ma si Raja tambun borngin nai,jala ia tikki sahalak na hundul di parmahanan,sai marabur-abur ma iluna,ponjot situtu rohana ala so adong pangalu-aluanna.
Mardongan na magopu situtu,mar tonggo ma si Raja tambun tu mulajadi nabolon :
Ale oppung Mulajadi Nabolon ,tatap ma ahu na dangol on.marsigomos do ahu mamaksahon tu damang parsinuan asa ditaruhon au tu huta ni da Tulang asa pajumpang dohot dainang pangintubu I,hape ndang ditanda nasida ahu,gabe songon na mapultak sian bulu au mangangkat tu sangkalan da ompung mulajadi nabolon.tumagon nama langge unang singkoru,tumagon nama au mate unang mangolu,,huhut sai tumatangis ibana borngin na i.
Jadi masa ma arilogo di Tano Sibisa,malos ma sude suan-suanan,jala lam tamba ma ulaon ni si raja tambun mangalului aek soburon ni pinahan,mamboan pinahan tu nadao asa anggiat dapot duhut-duhut nabolas panganon ni dorbia,tung loja do ibana rap dohot angka hatoban ni si Raja Mangarerak,gabe ndang sanga be ibana hundul arian nai,jala borngin I pe pintor nok matana ala ni loja na.
Dung manang piga bulan ari logo I,dipalolo si Raja Mangarerak dohot Toga Manurung ma “parmanuhon” manungkun manang na aha do Alana ro ari logo nanggarning tu tano Sibisa.gabe dapot ma dipaningkiran i “Na adong do anak ibebere na tangis tarlungun-lungun ala so ditanda hamu”
Jadi di sungkuni Raja Mangarerak ma ise do anak ibebere I.disi pe olo si boru Melengeleng manghusiphon tu Siraja Mangarerak dohot tu Toga Manurung paboa na marmahan I pinahan na I do anak ibebere,ai anak ni Silahisabungan na binoanna najolo,laos dipatudu ma tagan parnapuran na binoan ni si Raja tambun.
Dung diboto Raja mangarerak dohot Toga Manurung dijou ma si Raja tambun I,sai di ummai ma,jala didok Toga Manurung na ikkon paluon ogung sabangunan,lao mangulosi si raja tambun,asa unang be masa hasusaon na songoni di Tano Sibisa.


Alai didok si Raja tambun ma tu tulang nai:Naso jadi ulosan ni Tulangna ibana ia so jumolo hahana Silalahi Raja di ulosi.
Dung I disuru Toga Manurung ma mangalapi Silahisabungan dohot Silalahi Raja tu Tolping,hape dang disi anggo Silahisabungan,nungnga lao mardalani gabe holan Silalahi Raja nama na rot u Sibisa.
Jadi dipatupa Toga Manurung ma Gondang I,jala dipatortor ma Silalahi raja dohot Raja tambun,diulosi ma parjolo Silalahi raja,ipe asa si Raja tambun.laos disi pe asa dipatandahon si Boru Melengeleng tu natorop paboa ibana do ina Pangintubu di si Raja tambun,dihaol ma anak na I jala di umma i.
Jadi dilehon Toga manurung ma boruna laho parhelaon ni si Raja tambun,jala Silalahi Raja do mangadathon..Ido Alana umbahen sahat tu sadarion sai tong do die tong pinompar ni Raja Mangarerak do boruna pinompar ni Silalahi raja.